Այն ժողովուրդը, որ չի ուզում մեռնել, երբեք չի մեռնի.
Անատոլ Ֆրանս
Գրականությունը մի տաճար է, ուր կարելի է մտնել միայն մաքուր խղճով ու ազնիվ միտումներով: Իսկ երբ մարդիկ մոտենում են այդ տաճարին մանր փառասիրական տենչերով, շահադիտական նպատակներով, ամենամեծ ոճրագործությունն է, որ կատարում են ժողովրդի դեմ:
Ստեփան Շահումյան
Օտարախոս և օտարասպասարկու հայերը նման են այն ամպերին, որոնք ծնունդ են առնում հայոց երկնքում և գնում ու անձրևում են օտարի հողում:
Հայկ Խաչատրյան
Դուք ուշագրավ մի ժողովուրդ եք, որ կարողացել եք մնալ այսքան կենսունակ ու հավատարիմ ձեր ավանդույթներին, երբ ամբողջ պատմությունն ու հանգամանքները ձեր դեմ են եղել: Ինձ թվում է, որ եթե ես հայ լինեի, խորապես հպարտ կլինեի ինչպես պատմական Հայաստանով, այնպես էլ այսօրվա Հայաստանով:
Ջ.Օլդրիջ
Հայը պիտի ապրի հակառակ դահիճներուն և հակառակ իր աչքի տակ բուսած կորեկի: Հայը պիտի ապրի ժողովուրդների սիրազոդ շղթային մեկ ոսկի օղակն ըլլալու համար:
Դ.Վարուժան
Աղվեսը ինքն է սնունդ հայթայթում,
Առյուծին սնունդ տալիս է Աստված: Ու.Բլեյք
Բամբասանքը կայծակ է, իսկ կայծակը ամենից բարձր ծառերին է հարվածում:
Հայկ Խաչատրյան
Սուտը նման է յուղի, այն սահում է ճշմարտության վրայով:
Սենկևիչ
Մարդկանց մի մասը գործում է առանց խորհելու, մյուսը` խորհում է, բայց չի գործում:
Ազգային այբուբեն իմացող և մայրենի լեզվով մտացող ու խոսող մարդու համար հայրենիքը սեփական մարմնի մի մասն է, իսկ օտարաշուրթ հայի համար անջրպետ կա իր մարմնի և հայկական հողի միջև, չնայած նա քայլում է այդ հողի վրա:
Հայկ Խաչատրյան
Լավ միտքը, որտեղից էլ այն վերցված լինի, անհամեմատ ավելի լավ է, քան սեփական հիմար միտքը. սա թող վիրավորանք չլինի նրանց, ովքեր ամեն ինչ փնտրում են իրենք իրենց մեջ` չդիմելով ոչ ոքի:
Սիրեք ձեզ ուրիշների մեջ, քանզի ձեր կյանքն ուրիշների մեջ է և առանց ուրիշների այն ոչինչ է:
Կյանքը մաքուր բոց է, մենք ապրում ենք` կրելով մեր մեջ անտեսանելի արև:
Բրաուն
Տիեզերքի նպատակն է ոգու զարգացումը, իսկ ոգու զարգացման առաջին պայմանը ազատությունն է:
Իմաստունը վիրավորանքների վրա ուշադրություն չի դարձնում:
Չկան գրքերի ընթերցանությունից ավելի էժան զվարճություններ, և չկան ավելի տևական բավականություններ:
Մ.Մոնտեգյու
Ինձ հետաքրքիր չէ նույնիսկ շատ օգտակար որևէ բան իմանալ, եթե միայն ես եմ այդ բանը գիտենալու: Եթե ինձ բարձրագույն իմաստություն առաջարկեին պարտադիր պայմանով, որ այդ մասին լռեի, ես կհրաժարվեի:
Սենեկա
Հայերի առաքինությունները խաղաղասիրության արգասիք են, իսկ թերությունները` ճնշման: Սակայն ինչպիսին էլ եղած լինի նրանց ճակատագիրը, Հայաստանը հավետ պիտի մնա որպես աշխարհի ամենահետաքրքիր երկրներից մեկը, ուր զետեղված է դրախտը, և ուր Աստված ստեղծել է մարդուն իր պատկերի մնան:
Ջ.Բայրոն
Եթե ինձ հարցնեին, թե Երկիր մոլորակի վրա ամենից շատ որտեղ կարելի է հանդիպել հրաշքների, ես, նախ և առաջ, Հայաստանի անունը կտայի: Ակամա ապշում ես` աշխարհի այս փոքրիկ անկյունում տեսնելով այնպիսի մարդկանց, որոնք կարող էին լինել ամբողջ աշխարհի հպարտությունն ու զարդը:
Ռ.Քենթ
Ինչ էլ լինի հայ ազգի բախտը (իսկ նա տխրագին է), ինչ էլ սպասի նրան ապագայում, իրենց` հայերի երկիրն ու ազգը կմնան ամենահետաքրքրականը աշխարհիս երեսին:
Ջ. Բայրոն
Չկան վատ և լավ հայրենիքներ: Չկան գեղեցիկ և ոչ գեղեցիկ երկրներ: Յուրաքանչյուր հայրենիք գեղեցիկ է յուրովի և որդիական ընկալմամբ` ամենալավն ու անկրկնելին:
Մ. Սարգսյան